• Басты
  • Нағыз патриот өзі үшін ғана емес, елі үшін де өмір сүреді – Б.Төлегенова

Нағыз патриот өзі үшін ғана емес, елі үшін де өмір сүреді – Б.Төлегенова

5 Қазан, 2015 19:37
Нағыз патриот өзі үшін ғана емес, елі үшін де өмір сүреді. Бұл жөнінде бүгін Астанада өткен республикалық патриоттар форумы аясында журналистерге сұхбат берген КСРО және Қазақстанның Халық әртісі Бибігүл Төлегенова мәлімдеді.

«Мәңгілік ел» біздің ата-бабамыздың аңсаған арманы деп санаймын. Бүгінде біз осыған қол жеткіздік. Біздің жастарымыз расында да патриот болады деп үміттенемін және менің «Мәңгілік ел» идеясына еш күмәнім жоқ. Тіпті, бүгін менің жасым 85-ке толғанына қарамастан, мен «Мәңгілік ел» идеясының іске асқанын көремін деп ойлаймын. Егер, жастар дұрыс еңбек етіп, бұл идеяны жүзеге асыруға тырысатын болса, онда ол міндетті түрде іске асады», – деді Б.Төлегенова.

Б.Төлегенова айтқандай, нағыз патриот тек өзі үшін ғана емес, елі үшін де өмір сүреді. Біз балабақшада, мектепте, жоғары оқу орнында алғанымыздың барлығын қайтару керекпіз.

«Яғни, барлық біліміміз бен біліктілігіміз тек өзіміз үшін, өз үйіміз үшін ғана емес, мемлекет үшін де еңбек етуі керек. Патриоттықтың мәні осында. Мен рухани тәрбиені арттыру үшін өнер саласында өте көп еңбек еттім. Совхоздан да, колхоздан да, бригада мен бөлімшелерден де қашқан жоқпын, қорыққан жоқпын, тіпті есек пен түйеге мініп те еңбек еттім. Еңбек адамға көрік береді деп ойлаймын. Бізге жаңа мемлекетті құруға ешнәрсе кедергі жасамасын деп тілеймін. «Мәңгілік ел» тек жүрегімізде ғана мекендеп қоймай, бүкіл әлем қазақтардың «Мәңгілік елде» тұратынын көрсе деймін», – деп толықтырды Халық әртісі.

Индира Кауметова

Барлық жаңалықтар