Алматыда үш жыл ішінде білім жүйесінің бюджеті шамамен 10 млрд.теңгеге артты – әкімдік
5 Қазан, 2015 20:09
Алматы қаласында ғана соңғы үш жыл ішінде білім жүйесінің бюджеті 10 млрд.теңгеге артып, 54,4 млрд. теңгені құрады, деп әкімдіктен хабарлады.
Бүгінгі күні «Балапан» бағдарламасының бюджеті екі есе ұлғайып, 1,5 млрд. теңгеге жетті. Қалада мектеп жасына дейінгі балалар мекемесінің жүйесі 95 бірлікке артты. Мектептердің материалдық –техникалық базасы ұдайы жаңартылуда. Алматының барлық мектептері интерактивті тақталармен жабдықталған.
«Соңғы үш жылда республикалық бюджетті қоса есептегенде, денсаулық сақтау саласын қаржыландыру 23% -ға артып, 69 млрд. теңгеге жетті», - делінген хабарламада.
Мегаполисте 7 денсаулық сақтау нысаны іске қосылды, тағы 6 салынуда. Денсаулық сақтау ұйымдары жоғары технологиялы заманауи қондырғылармен жабдықталуда.
