СҚО әкімі егін жинау барысын тексерді
Аймақ басшысы «Гоцак» шаруа қожалығына барып қайтты, бүгінде онда 11 дана техника жұмыс істеуде. Сонымен қатар, 2700 га алаңдағы бидай бастырылды, астықтың 90% қоймада. Ағымдағы жылы шаруа қожалық мемлекеттік қолдауға ие болды.
«Әр егін жинау уақыты бірегей, сондықтанда бастысы егін жинау науқанына сапалы дайындалу. Бірінші кезекте техниканы дайындау - комбайндар дайын болу керек, ал адамдар болса жұмысқа сақадай сай болуы болуы тиіс. Әзірге ауа-райы мінезін көрсетіп отырған жоқ, бірақ жауын шашын болатын болса онда астықты элеваторға кептіруге апаруға тура келеді. Біз ауа-райының барлық мінезіне дайын болып отырмыз. Ағымдағы жылы жаңа комбайн сатып алдық, ол бізге астықты тезірек жинап алуға көмектесіп отыр. Оның үстіне ауа-райының қолайлығы келер жылға тұқым себуге және бидайдың құнын төмендетпей элеваторларға өткізуге мүмкіндік берді», — деді «Гоцак» ШҚ басшысы Иван Гоцак.
Содан кейін облыс әкімі «Лукбанов» серіктестігінде болды, онда ауданның шаруаларымен кездесті. Бүгінде «Лукбанов» серіктестігінің иелігінде 7 мың гектардан астам жер бар. Оның ішінде 4 мың гектарына бидай егілген. Е.Сұлтанов кәсіпкерлерге егін жинау науқанын табысты аяқтауды тілеп, қысқа дайындықты бастауға шақырды.
«Жақсы агрономдар, зоотехниктер, өз кәсібінің шеберлері – бұл әрқашан жақсы нәтиже береді. Егін жинау науқанын жақсы көрсеткіштермен аяқтаған жөн. Аз қалды, ауа-райы әлі біраз жақсы болады, қайткен күнде де биылғы ауа-райын өткен жылдың ауа-райымен салыстыра алмайсын. Сондықтанда күздің қолайлы ауа-райын барынша пайдаланып қалуға тырысу керек», — деді әкім.
