• Басты
  • А. Саин: Мәңгілік ел – мейірімділік басқаратын мемлекет

А. Саин: Мәңгілік ел – мейірімділік басқаратын мемлекет

5 Қазан, 2015 17:26
Мәңгілік ел – мейірімділік басқаратын мемлекет, деді «Милосердие» қорының директоры Аружан Саин «Мәңгілік ел – болашағы біртұтас ел» патриоттар форумы аясында.

«Мәңгі құндылықтар – махаббат, жақсылық, достық, мейірімділік. Мен үшін, Мәңгілік ел - мейірімділік басқаратын мемлекет. Қазақстанның халқы өте мейірімді, біздің халық жақсылыққа жаны құмар, қол ұшын бергісі кеп, көмек көрсетуге ұмтылады», - деді ол.

«Біздің қорда «Балаларға өмір сыйла!» шарасы аясында сіздердің арқаларыңызда, барлықтарыңыздың көмектеріңізбен 10 жыл ішінде 1300-ден астам баланың өмірі аман қалды. Бұл үлкен бақыт, себебі адам үшін ең қымбаттысы - бала», - деп атап өтті ол. 

«Қазақстанда жетімдер үйлерін азайтуға бағытталған «Қазақстан жетім балаларсыз» жобасына да тоқталды. Осы жобаның арқасында 500-ден астам бала өз отбасыларын тапты.  Біздің балаларымыздың өмірін өзгертетін, осылайша болашағымызды өзгертетін тамаша адамдарды кездестіру қандай бақыт екенін білсеңіздер ғой», - дейді Аружан Саин.

Индира Кауметова

 

 

 

Барлық жаңалықтар