Шымкент «Ақылды қала» ұстанымы бойынша дамиды
Компания өкілдері ОҚО әкімдігі мен жергілікті басқару органдарындағы жұмыс сапасын жақсартып, құжат айналымын оңтайландыру мақсатында, сондай-ақ, ақпараттық коммуникациялық инфрақұрылымды жетілдіру үшін кезең-кезеңмен «бұлтты сервис» электронды құжат айналымына өтуді ұсынды, деп хабарлады «Ұлттық ақпараттық технологиялар» АҚ.
«Ұлттық ақпараттық технологиялар» АҚ әлеуметтік қызметтер ауқымын кеңейтуді қолға алған. Компания өкілдері бас қосуда «Ақылды қала» жобасының презентациясын жасады.
Бұл жоба қала сәулетінің көркейіп, тұрғын үйлердің мен жол қозғалысының электронды жүйеге өтуін көздейді. Сондай-ақ, шаһардағы туризмнің дамуына септігін тигізеді. «Алдағы кезде барлық құжаттар пошта, факспен емес, электронды жүйе арқылы хатталып, жіберілетін болады.
Жиын соңында ОҚО әкімдігі мен «ҰАТ» АҚ мамандары арнайы жұмыс тобын құрып, өңірдегі жергілікті басқару орындарының әкімшілік-шаруашылық қызметін жүйелеу мен дамыту бойынша ұсыныстар әзірлейтін болды.
