Қазақстанда «Болашақ» халықаралық стипендиясының бірінші тіл мектебі ашылады
5 Қазан, 2015 16:54
Қазақстан Республикасы Білім және ғылым министрлігінің және «Болашақ» халықаралық стипендиясының ресми әкімшісі «Халықаралық бағдарламалар орталығы» АҚ-ның бастамасы бойынша әл-Фараби атындағы Қазақ Ұлттық университеті базасында Қазақстандағы бірінші тіл мектебі құрылды.
Тілдік даярлықтың негізгі серіктесі білім саласындағы жетекші халықаралық ұйым – Британдық Кеңес болып табылады, деп хабарлады ҚазҰУ.
«Мектеп жұмысы «Болашақ» стипендиаттары алғашқы 6 айда тілді Қазақстанда, қалған 6 айда шетелде оқитын «6+6» ағылшын тілін оқудың жаңа форматын ұсынады», - делінген хабарламада.
Мектептің ресми ашылу салтанаты әл-Фараби атындағы ҚазҰУ бірінші проректоры М.Буркитбаевтың, «Халықаралық бағдарламалар орталығы» АҚ президенті Г.Ныгыметовтің, Британдық кеңестің өңірлік директоры Энди Уильямстың қатысуымен өтеді.
2015 жылы «Болашақ» стипендиясы тағайындалған мектептің алғашқы 38 тыңдаушысы оқуды бастап кетті.
