ШЫҰ-ға қатысушылар арасында халықаралық жүк тасымалы бойынша 6 бағыт пайда болуы мүмкін
5 Қазан, 2015 13:02
ҚР Парламенті Сенатында Экономикалық саясат, инновациялық даму және кәсіпкерлік комитетінің кеңейтілген отырысы өтті. Онда «Шанхай ынтымақтастық ұйымының мүшелері – мемлекеттердің үкіметтері арасында халықаралық автомобиль тасымалы бойынша жағдай жасау туралы келісімді ратификациялау туралы» заңжобасы қаралды.
«Аталмыш келісімнің мақсаты ШЫҰ-ға қатысушылар арасында халықаралық автомобиль бағытын дамыту және өзара тиімді тасымал нарығын қалыптастыру. Келісім эскпорттауға рұқсат берілген жүйе негізінде келісілген бағыт бойныша жүк көлігі тасымалын қарастырады (Қазақстан, Қытай, Қырғызстан, Ресей, Тәжікстан, Өзбекстан). Келісім 6 бағытты қарастырып отыр, оның ішінде төртеуі Қазақстан бойынша өтеді. Келісімде олардың әрқайсысы бойынша ашылу мерзімі көрсетілген, олар 2020 жылдан кеш қалмауы тиіс», - деді ҚР инвестициялар және даму бірінші вице – министрі Жеңіс Қасымбек заңжобасын таныстыру барысында.
Заңжобасы палата қарауына жіберілді.
Анар Тәңірқұлова
