Е.Тоғжанов: ҚХА жылы дәстүрлі патриоттар кездесуіне ерекшелік сыйлады

«Жыл сайынғы кездесу дәстүрге айналды, бұл форумның ерекшелігі 2015 жылды Елбасы ҚХА жылы деп жариялаған болатын. ҚХА жылы – келісім жылы, ҚХА жылында әрбір қазақстандықтың бір -бірін қолдауы арта түседі. Осы жылы бірқатар мерейлік мерекелер тойлануда – Ұлы Жеңістің 70 жылдығы, Конституцияның 20 жылдығы, Қазақ хандығының 550 жылдығы, 6,7,8 қазанда Жамбылда Қазақ хандығының 550 жылдығына арналған қорытынды шараларды тойлаймыз. Біздің форум барлық саяси шаралардың өзегі, Ұлы Дала елі қатысушылары Таразда бас қосады», - деді Е.Тоғжанов.

Патриоттар форумы Қазақстан өңірлерінде 2007 жылдан бастап өткізіліп келеді.  Осы жолғы форум Елбасы Нұрсұлтан Әбішұлы Назарбаевтың  «Мәңгілік ел» жалпыұлттық идеясына арналып отыр.

Форум жұмысына еліміздің барлық өңірінен 2 мыңнан аса делегат қатысады деп күтілуде. Олардың қатарында өз ісінің нақ шеберлері: дәрігерлер, мұғалімдер, өнеркәсіп жұмысшылары, аграрийлер, кәсіпкерлер, ғалымдар, жастар көшбасшылары, қоғам қайраткерлері, спортшылар, талантты әртістер мен мәдениет қайраткерлері және тағы басқалары бар. 

Ботагөз Айтжанова