• Басты
  • Н. Назарбаев: Патриоттар форумы «Мәңгілік Ел» жалпыұлттық идеясының құндылығы аясында барлық қазақстандықтардың шоғырлануына сеп болады

Н. Назарбаев: Патриоттар форумы «Мәңгілік Ел» жалпыұлттық идеясының құндылығы аясында барлық қазақстандықтардың шоғырлануына сеп болады

5 Қазан, 2015 11:38
Бүгін «Мәңгілік Ел – болашағы біртұтас ел» республикалық патриоттар форумының ашылуында Қазақстан Республикасы Президенті Әкімшілігі басшысының орынбасары Бағлан Майлыбаев Елбасы Н.Назарбаевтың шараға қатысушыларға арналған үндеуін оқыды.

«Баршаңызға бүгінгі «Мәңгілік Ел – болашағы біртұтас ел» республикалық патриоттар форумына қош келдіңіздер деймін. Бұл форум өте ерекше, ол еліміздің Ата заңының 20 жылдығы мен Қазақстан халқы Ассамблеясының 20 жылдығында өтуде. Бұл біздің бірегей салт-дәстүрімізбен, халқымыздың ауызбіршілігінің, өз отанымызды, туған жерімізді  «Ұлы дала елін» қастерлеп қадірлеуіміздің жемісі. Партиоттар форумы «Мәңгілік Ел» жалпыұлттық идеясының құндылығы аясында барлық қазақстандықтардың шоғырлануына сеп болады деген сенімдемін. Барлық форумға қатысушыларға  және барша қазақстандықтарға денсаулық, табыс және жаңа белестерді бағындыруларыңызға тілектестігімді білдіремін», - деп ҚР Президенті Әкімшілігі басшысының орынбасары Бағлан Майлыбаев Қазақстан Президентінің атынан шараға қатысушыларға арналған үндеуін оқыды.

Естеріңізге сала кетейік, Астанада «Мәңгілік Ел – болашағы біртұтас ел» тақырыбын арқау еткен республикалық патриоттар форумы өтуде, оған республиканың барлық өңірлерінен 2000-нан астам делегат жиналды.

Айта өтейік, Патриоттар форумы 2007 жылдан бері Қазақстанның әр түрлі қаласында өткізіліп келе жатыр. Биылғы форум Мемлекет басшысы, Ұлт көшбасшысы Нұрсұлтан Назарбаевтың «Мәңгілік Ел» жалпыұлттық идеясына арналады.

Индира Кауметова

Барлық жаңалықтар