Алматыда «Тур Алматы 2015» веложарысы өтті

5 Қазан, 2015 12:28

Алматыда шоссе бойымен жүретін Халықаралық «Тур Алматы 2015» веложарысы өтті, онда «Astana PRO Team» велосипедшісі Алексей Луценко бірінші, ал Фабио Ару екінші, «Катюша» өкілі Павел Кочетков үшінші орынды жеңіп алды, деп хабарлады қала әкімдігінің баспасөз қызметі.

Веложарысқа әлемнің 16 елінен 19 команда қатысты, соның ішінде кәсіби «Astana PRO Team» мен ресейлік «Катюшa» командалары бар.

Жарысқа қатысушылар мен көрермендер алдында сөйлеген сөзінде қала әкімі мегаполисте веложарыстың осымен үшінші рет өтіп отырғандығын, оған қатысушылар қатарының жыл санап арта түскендігін айтты.

«Бұл Алматы брендін алға жылжытады. Кез - келген мегаполис ірі Халықаралық жарыстарды өткізіп тұрады. Біз үшін бұл жарыс – Универсиада 2017 алдында қала инфрақұрылымын жақсартудың ұтымды мүмкіндігі. «Тур Алматы» алматылықтарды қуантады. Велосипед спорты біздің қаламызда танымал. Біз алдағы уақытта да жарыстың бұл түріне қолдау көрсетеміз», - деді Бауыржан Байбек.

Оның айтуынша өткен жылы спорттың осы түріне қалада 10 мың адам қатысқан. Eurosport телеарнасы арқылы әлемнің 100 млн. көрермені жарысты тамашалаған. Биыл бұл спорттық шараға 11 мың қалалық келген.

«Мемлекет басшысы Нұрсұлтан Назарбаевтың қолдауы арқасында Алматы әлемдік спорт оралығына айналуда. Соңғы жылдары мегаполисте түрлі спорт түрлері бойынша 10 әлем чемпионаты өтті, қалада 1,1мың спорт нысандары жұмыс істеуде», - деді қала басшысы.

Барлық жаңалықтар