ҚР ҚК бітімгершілері «Мызғымас бауырластық-2015» оқу-жаттығуында содырлар лагерін бұғаттауды және жоюды пысықтады (ФОТО)

5 Қазан, 2015 08:37

Армениядағы «Баграмян» полигонында бітімгершілік операциясын орындау бойынша бірлескен іс-қимылдар жасау үшін ҰҚШҰ мүше мемлекеттері бітімгершілік құрамаларының жауынгерлік үйлесуі өтті, деп хабарлады Қорғаныс министрлігінің баспасөз қызметі.

Оған Қазақстан Қарулы Күштерінің бітімгерші әскери қызметшілері де қатысты. Бірінші кезең бейбітшілікті қолдау жөніндегі операцияға ҰҚШҰ-ның ҰБК қолбасшысының ниетін тыңдаудан басталды.

Содан кейін Қазақстанның әскери қызметшілері ҰҚШҰ ҰБК-нің өзге де бөлімшелерімен бірлесе бірнеше тактикалық эпизодтарды орындады. Яғни, ізгілік жүкті алып жүру, патрульдеу, бақылау-өткізу және қадағалау пункттерінде қызмет өткеру, содырларды дайындау лагерін бұғаттау және тарату. Қатысушылардың жалпы саны шамамен 600 адам, 50-ге жуық бірлік техника тартылды, оның ішінде тікұшақтар мен ұшқышсыздар.

Бүгінгі күні ҰҚШҰ-ның бітімгершілік күштерінің жалпы саны 3 600 адамды құрайды. ҰҚШҰ-ның алдыңғы оқу-жаттығуларындағыдай, бұл оқу-жаттығуға бітімгершілік операцияларды дайындау және өткізудің келелі мәселелерін зерделейтін және басқаруды, өзара іс-қимыл мен қамтамасыз етуді жетілдіру бойынша практикалық ұсынымдарды әзірлейтін зерттеу тобының құрамындағы жетекші жоғары әскери оқу орындары мен ғылыми-зерттеу ұйымдарының өкілдері қатысады.

«Мызғымас бауырластық-2015» оқу-жаттығуының негізгі мақсаты ҰҚШҰ мүше мемлекеттерінің бітімгершілік контингенттері арасындағы өзара түсінушілік пен ынтымақтастықты нығайту, бітімгерішік операцияны дайындау және бітімгершілік тапсырмаларды орындау барысында ҰҚШҰ-ның ҰБК бөлімдерін (бөлімшелерін) басқару жөніндегі жұмыста барлық дәрежедегі командирлер мен штабтардың практикалық шеберлігі мен дағдыларын арттыру болып табылатынын естеріңізге сала кетейік.

Барлық жаңалықтар