Қарағандыда «Көктем-Күз 2015» футболдан студенттік лига ойындары басталды

3 Қазан, 2015 12:37

Қазтұтынуодағы Қарағанды экономикалық университетінің ғимаратында Қазақстан Республикасы Білім және ғылым министрі А. Сәрінжіповтің қатысуымен «Көктем-Күз 2015» футболдан Ұлттық студенттік лига ойындарының салтанатты ашылу рәсімі өтті, деп хабарлады ҚР БҒМ.

Елбасы Н.Ә. Назарбаевтың тапсырмасымен елімізде бұқаралық спорт пен ірі спорттық жарыстарға көп көңіл бөлінуде.

2014 жылы футболдан Ұлттық студенттік лигаға Астана және Алматы қалаларының жоғары оқу орындарының командалары қатысса, биыл футболдан Студенттердің ұлттық лигасы Қарағанды және Шымкент қалаларының жоғары оқу орындарының командаларымен толықты. Бұл Студенттердің ұлттық лигасының дәрежесі өскендігінің айқын дәлелі.

Жарысқа Қазтұтынуодағы Қарағанды экономикалық университетінің «Қазтұтынуодағы», «Болашақ» Қарағанды университетінің «Болашақ», Қарағанды мемлекеттік техникалық университеті (ҚМТУ), Е.А. Бөкетов атындағы Қарағанды мемлекеттік университеті «ҚМУ» командалары қатысты.

Айта кету керек, «Көктем-Күз 2015» чемпионатының топтық кезеңіне 16 команда қатысады (Астана – 3 команда, Алматы – 6, Шымкент – 5, Қарағанды - 2). 16 команда жеребе салу бойынша төрт команда болып, төрт топқа бөлінеді. Жарыстың қорытындысы бойынша топтарда 1 және 2 орын алған командалар анықталып, чемпионаттың финалдық бөліміне шығуы үшін тартысты.

Финалдық бөлімде жартылай финал/финал қағидаты бойынша үздік төрт команда ойнайды. Финалдық бөлім а.ж. қараша айының екінші онкүндігінде Алматыда өтеді.

Барлық жаңалықтар