Біз қазақстандық халыққа Сириялықтардың проблемасына аса түсінушілікпен қарағаны үшін алғыс айтамыз – Сирия өкілі
2 Қазан, 2015 16:24
Біз қазақстандық халыққа Сириялықтардың проблемасына аса түсінушілікпен қарағаны үшін алғыс айтамыз, деді Астанадағы сириялық оппозиция келіссөздерінің екінші раунды барысында Эрбиль қаласының саяси болжам және баспасөз институтының президенті Радван Бадини.
«Қазақстан халқына, Үкіметіне және Елбасы Нұрсұлтан Назарбаевқа сириялықтардың бір шешімге келуі үшін ұйымдастырып отырған екінші кездесуі үшін алғыс айтамын. Қазақстан сынды елдердің маңызы өте зор, біріншіден бұл елмен біздің мәдени-тарихи байланысымыз бар, екіншіден өз тарапынан сириялық халықтың тағдырына бей-жай қарамай отыр», - деді Радван Бадини.
Сарапшының айтуынша, Қазақстан конструктивті диалог үшін жақсы жағдай жасап отыр.
«Өзге елдере біздің бір-бірімізбен келіссөз жүргізіп, бір мәреге келетіндей мұндай жағдайлар жоқ. Қазақстан жерінде екінші кездесу өтіп отырғаны өте оңтайлы оқиға», - деді доктор.
Индира Кауметова
