Г.Әбдіхалықова: Қазақстан келіссөздер алаңын ұсына отырып, сириялық дағдарысты реттеуге өз үлесін қосты
2 Қазан, 2015 15:51
Қазақстан келіссөздер алаңын ұсына отырып, сириялық дағдарысты реттеуге өз үлесін қосты, деді Мемлекеттік хатшы Гүлшара Әбдіхалықова Астанадағы сириялық оппозиция келіссөздерінің екінші раунды барысында.
«Қазақстан биылғы жылдың 25-27 мамыр аралығында сириялық келіссөздерге алаң ұсыну арқылы сириялық дағдарыстың реттелуіне өз үлесін қосты.Қатысушылар Сириядағы әскери-саяси жағдайды талқылап, Женева үрдісі аясындағы сириялық дағдарыстың реттеу жолын ашуға үлес қосты», - деді ол.
Келіссөздердің қорытындысы бойынша Мемлекеттік хатшы атап өткендей, қатысушылар дауыс басымдығымен Астана декларациясын қабылдады.
«Айта кетерлігі, бүгінгі кездесу, осыған дейінгі кездесулерді саны бойынша басып озады. Келіссөздер консруктивті тұрғыда өтеді деп үміттенеміз. Бұл сириялық дағдарысқа өзіндік үлес қосады деп үміттенеміз», - деді Г.Әбдіхалықова.
Индира Кауметова
