Қазақстанның барлық өңірінде «Қамқоршы күні» аталып өтті

30 Қазан, 2013 10:10

ҚР Білім және ғылым министрлігі «Әйелдердің шығармашылық бастамалары лигасы» ҚБ, «Бала дауысы» мен «Қазақстанның қамқоршылар кеңесі» ҚҚ-ның бастамасымен және республиканың барлық өңіріндегі жергілікті орындаушы органдардың қолдауымен «Балаларға жылу сыйла» ұранымен «Қамқоршы күні» мерекесі өтіп жатыр, деп хабарлайды БҒМ баспасөз қызметі.

«Шараның басты мақсаты бала асырап алған отбасыларына алғыс білдіре отырып жетім балалар мен қамқорсыз қалған балаларды қадағалаудың баламалы жолын көрсету», - делінген хабарламада.

Жыл сайын аталмыш мерекені тойлауға қатысатын ата-аналар мен ерікті студенттер санының арта түскені байқалады.

«Мереке жетім және ата-ана қамқорлығынсыз қалған балалар мен балалардың құқын қорғау органдары, қамқор ата-аналар мен осындай ұйымдардың және демеушілер, БАҚ, үкіметтік емес ұйымдардың ұйымдасуымен өтеді», - деп нақтыланған хабарламада.

Шара аясында ұйымдастырушылар қамқор ата-аналарға психология, заңгерлік секілді салалар бойынша мамандардың кеңесін ұсынды.

Мұндай мерекелердің өткізілуі әлеумттік жетімдіктің алдын алып, жетім және қараусыз қалған балаларға қамқорлық көрсетеді.