Қазақстан ЭДЫҰ-ның декларациясына енуге және ұйымның комитеттер жұмыстарына қатысуға талпынуда – ҚР ИДМ

2 Қазан, 2015 12:41

Қазақстан Экономикалық серіктестік және даму ұйымының (ЭДЫҰ) декларациясына енуге және ЭДЫҰ - ның комитет жұмыстарына, оның ішінде Инвестиция бойынша комитеттің жұмысына қатысуға талпынуда, деді ҚР инвестициялар мен даму вице-министрі Рахым Ошақбаев ведомстводағы баспасөз конференциясында.

«Қазақстан барынша халықаралық стандарттарға жақындастыруға бағытталған және тіпті ЭДЫҰ-ның комитеттерінің, оның ішінде Инвестициялар бойынша комитеттің қызметіне жақын. 2011 жылы алғаш рет Қазақстанның инвестициялық саясатына шолу жасалды, оның негізінде ЭДЫҰ хатшылығы сәйкесінше Investment Policy Review құжатын жасақтады. Бұл құжатты тараптар 2011 жылы желтоқсан айында Парижде талқылады, содан соң 2012 жылы сәуір айында жарияланды. Қазақстанның инвестициялық саясатын одан ары оңтайландыру үшін шолуда 12 бағыт бойныша басымдық берілген»,- деді вице-министр.

Оның айтуынша, 2012 жылдың ақпан айында ЭДЫҰ ҚР ИДМ-дан Қазақстанның ЭДЫҰ-ның халықаралық инвестициялар мен көпұлтты кәсіпорындар туралы декларациясына қосылу және ЭДЫҰ - ның Инвестициялар бойынша комитетінің жұмысына қатысу мүмкіндігін қарастыру туралы ресми хат алды.

«ЭДЫҰ –ның мүшесі болмайтын 12 мемлекет аталмыш декларацияға қосылды. ЭДЫҰ - ның Инвестициялар бойынша комитетінің есептеуінше, декларацияға қосылу мемлекетке әлемдік экономикалық қауымдастыққа жылдам интеграциялануына мүмкіндік береді. ЭДЫҰ кеңесі Қазақстанға аталмыш декларацияға қосылуға мүмкіндік берді»,-деді Р.Ошақбаев.

Сонымен, Қазақстан Делкарацияға қосылғанға дейін бір жыл бой үлкен жұмыс істеуі керек болады. Инвестициялық шолу екінші рет жүргізіледі, онда Қазақстанның алғашқы шолу барысында 2012 жылы алған кеңестерін қалай орындағаны, қаншалықты өсім болғаны сараланады.

Ботагөз Айтжанова

Барлық жаңалықтар