Жалағаштағы мектеп күрделі жөндеуден өтті

2 Қазан, 2015 14:48

Жалағаш ауданында №246 мектеп күрделі жөндеуден өтіп, бүгін оқушылар өздерінің білім ұяларында оқуды бастады, деп хабарлады облыс әкімдігінің баспасөз қызметі.

Бұл білім ұясының ірге тасы 40 жыл бұрын қаланған. Күрделі жөндеу жұмыстары өткен жылдың соңында басталды. Жаңа оқу жылында оқушылар өз мектептерінде білім алуға тиіс болатын. Дегенмен, жобада қаралмаған акт залдың үстіндегі төрт плиткада жарық пайда болып, барлығы сапалы құрылыс материалдарымен ауыстырылды.

Жалпы, мамандар құрлыс жұмыстарының жоғары деңгейде жасалғандығын айтып отыр. Бұл мектепте білім алатын 500-ге жуық оқушыда білім ұяларының жаңарғандарына қуанышты.
«Талабы таудай, маңдайы жарқыраған балаларға қолдау көрсетуді жалғастыра береміз. Жас ұрпақтың білім алуы үшін салынған инвестиция еселеп қайтатыны сөзсіз. Жаңа оқу жылында бір күнде 9 мектепті пайдалануға бердік. Оның 6-уы аппатты жағдайдағы білім ордасының орнына салынды. Жыл соңына дейін жаңадан ашылған мектептің саны 19-ға жетеді», - деді облыс әкімі Қ.Көшербаев.

Барлық жаңалықтар