Астанада 3331 мүлік заңдастырылды – Қаржы министрлігі

2014 жылдың 1 қыркүйегінен бастап Қазақстан Республикасы азаматтарының, Қазақстан Республикасында тұруға рұқсат ықтиярхаты бар тұлғалар мен оралмандардың, олардың мүлікті заңдастыруымен байланысты рақымшылық жасау туралы» заңына қол қойылып, экономикалық айналымда жоқ мүліктерді заңдастыру рәсімдері бастау алғанын жариялаған болатын. Қазірге дейін Астана қаласының Әкімдігіне мүлікті заңдастыру туралы өтініштер түсіп жатыр.

Осы күнге дейін Астанада жалпы сомасы 14 029 979 мың теңгені құрайтын 3331 нысан заңдастырылды.

2015 жылдың 01 қазанындағы есеп бойынша ҚР аумағындағы мүлікті заңдастыру туралы Астана қ. Жергілікті атқарушы органдары жанындағы комиссияға жалпы сомасы  55 596 423,8 мың теңгені құрайтын мүлікті заңдастыру бойынша 3833 өтініш келіп түскен: 32 786 868 мың теңгенің 4 930 тұрғын үй нысаны; 22 351 606 мың теңгенің 5 248 тұрғын емес нысаны, соның ішінде, 16 516 532 мың теңге сомасындағы 617 коммерциялық нысан; 457 949 мың теңге сомасындағы 5 заңды тұлғаға қатысу үлесі. 

Мүлік пен капиталды жария ету науқаны ел азаматтары үшін де, Қазақстан экономикасы үшін де тиімді. Жария етудің маңызды ерекшеліктерінің бірі - ақшаны заңдастыру табыс болып саналмайтындықтан одан салық алынбайды. Астана қаласы бойынша мемлекеттік кірістер Департаменті қызметкерлерінің айтуынша, қаражатын заңдастыру құқығын пайдаланған азаматтар заңдастыратын ақшасының 10 пайызын үнемдеп қалуға мүмкіндік алады.