Қызылорда облысында 174 млн теңгенің ауылдық клубы ашылды (ФОТО)
2 Қазан, 2015 11:07
Сырдария ауданы Айдары ауылындағы 150 орындық жаңа клубтың ашылу салтанаты өтті, деп хабарлады облыс әкімдігінің баспасөз қызметі.
Клуб құрылысы жылдың басында басталды. Жалпы сметалық құны - 174 млн. теңге. Көрермендер залы, сахна, кітапхана, ардагерлер мен түрлі үйірмелерге арналған бөлмелер заманауи талапта жабдықталған.
«Ауылда еңселі ғимараттардың қатары артып келеді. Айдарлының өзінде барлық әлеуметтік нысандар жаңарып үлгерді. Енді алдағы жылдары көшелер жөнделіп, жарықтандырылады. Бұл елдің әлеуметтік-экономикалық жағдайының жақсарғандығының белгісі. Бұның барлығы Елбасының сарабдал саясаты мен халықтың жұдырықтай жұмыла білгендігінің арқасы», - деді облыс әкімі Қ.Көшербаев.
