Қазақстандық депутаттар ЕКПА сессиясына қатысты
1 Қазан, 2015 18:54
Парламент Сенатының депутаты Бектас Бекназаров және Мәжіліс депутаты Қанат Саудабаев Еуропа Кеңесі Парламенттік Ассамблеясының 28 қыркүйек пен 2 қазан аралығында Страсбургте өтіп жатқан жыл сайынғы сессиясының төртінші бөлігіне қатысты, деп хабарлады Сенаттың баспасөз қызметі.
Шараның күн тәртібіне Еуропадағы көші-қон шиеленісінің саяси және гуманитарлық салалардағы, транзиттік мемлекеттердің проблемалары, сондай-ақ еуропалық елдерде баспана берудің пәрменді жүйесін қалыптастыруға байланысты мәселелер енгізілді.
Қазақстандық делегация «Еуропа Кеңесінің Қазақстанмен қатынастары» қарарын әзірлеу жөніндегі баяндамашы болып табылатын Германия Бундестагының депутаты, ЕКПА Саяси мәселелер және демократия жөніндегі комиссиясының мүшесі Аксел Эдуард Фишермен жұмыс бабындағы кездесу өткізді. Қазақстан Республикасының Еуропа Кеңесі Парламенттік Ассамблеясымен ынтымақтастығын нығайту және одан әрі дамытудың маңыздылығы атап өтілді. Болгар парламентшілерімен де кездесу болды.
