Tech Garden фестивалінде ашық деректер негізінде жасалған үздік мобильдік қосымшалар таңдалды
Бірінші орын «Soul Team» командасымен әзірленген «Ақылды қала» мобильдік қосымшасына берілді. Қосымша тұрғылықты жерді таңдау кезінде пайдалы болады. Ол мектептердің, дәріханалардың, ауруханалардың орналасуы мен жақындығы туралы, сондай-ақ сол жерде болған ЖЖЕ бұзылуы және қылмыстар туралы мәліметтерді қоса алғанда аудан туралы толық ақпарат береді.
Екінші орынды «Ақ жол» қосымшасымен «SSS» командасы иеленді. Қосымша жол-көлік оқиғалар ең көп орын алған аудандарды саны бойынша көрсетіп қана қоймай, апаттар жиі болатын орынға жақындаған кезде жүргізушіге ескертетін push-хабарлама жіберуді ескереді.
Сонымен қатар, үздіктердің ішінде ашық статистикалық деректер негізін пайдаланған «Abstract Art» командасының жұмысы да болды. Олардың қосымшасы Қазақстан статистикасын графикалық және мәтіндік форматтарда қарауға мүмкіндік береді.
«ҰАТ» АҚ «Ашық деректер» номинациясында өзінің тапсырмасын ұсына отырып, Tech Garden Fest технологиялық әріптестерінің бірі болғандығын еске саламыз.
Технологиялық фестиваль қатысушылары өздерінің жобаларын жасау кезінде, «Қауіпсіз қала», «Жасыл қала», «Электрондық коммерция», «Жаңа медиа», және «Ақылды индустрия және инфрақұрылым» сияқты белгілі бір тақырыптарға назарды тоғыстырулары тиіс болатын.
Хакатон қорытындысы бойынша барлығы 14 жоба ұсынылып, олардың ішінен ашық деректерді пайдаланатын 9 қосымша әзірленген болатын.
«Ұлттық ақпараттық технологиялар» АҚ Басқарма төрағасы Руслан Еңсебаев атап өткендей, өтінімдердің осыншама саны ашық деректерге мүдделіліктің жоғары деңгейін растайды. «Барлық ұсынылған мобильдік қосымшалар - жақсы пысықталған, «жетілген» және өте қызықты. Олардың бәрі «Ашық деректер порталында «Қосымша» бөлімінде міндетті түрде орналастырылатын болады.
