Машина жасау саласындағы қазақстандық қамту көлемі 8 айда 31% құрады

«Машина жасау саласындағы сатып алулар көлемі 8 айда 166 млрд теңгені құрады, ондағы қазақстандық қамту көлемі 31%  көрсетті. 2013 пен 2014 жылдардағы жергілікті қамту бойынша көрсеткіштерді салыстыратын болсақ, машина жасау саласында 2013 жылы - 25%, 2014 жылы -  30% құрады, яғни өсім бар. Жалпы, 2011 жылмен салыстыратын болсақ жергілікті қамту үлесі 59%-дан 74%-ға дейін артты», - деп мәлімдеді ол.

Сонымен қатар департамент директоры атап өткендей, ДСҰ-ға ену қарсаңында Қор отандық тауарөндірушілермен ұзақмерзімді келісім шарттар жасасу бойынша жұмыстарды күшейтті.

«Бүгінде компания тобы бойынша ұзақмерзімді сатып алулар бойынша 190 жоспар жасалып, бекітілді. 1 қыркүйектен бастап ұзақмерзімді 4  684 келісім бар, оның жалпы сомасы  6,4 трлн теңге. Оның ішінде отандық тауар өндірушілермен жалпы сомасы 1,4 трлн теңге болатын 952 ұзақмерзімді келісім жасалған», - деп толықтырды Е. Беков.

Естеріңізге сала кетейік, Астанада ЕАЭО мен ДСҰ жағдайында Қазақстанның машинақұрылысы өнімдерінің бәсекеге қабілеттілігін арттыруды талқылау мен ұсыныстар жасақтауға арналған Қазақстан машина жасаушыларының III форумы өтуде.

Индира Кауметова