Жыл соңына дейін Атырау облысында 8 балабақша ашылады
30 Қазан, 2013 09:52
Атырау облысында жергілікті және республикалық бюджет қаражаты мен демеушілердің көмегімен тұрғызылған 4 балабақшаның құрылысы аяқталу үстінде. Және де жалға берілген ғимараттар босатылғаннан кейін тағы 4 балабақша ашылады, деп хабарлайды облыстың ішкі саясат басқармасы.
«Бүгінде өңірде Атырау қаласы, Мақат ауданының Доссор ауылы мен Жылыой ауданының Құлсары қаласындағы 4 балабақшаның құрылысы жүріп жатыр. Соның 2-еуі демеушілердің қаражатына салынуда, Жалпы 4 балабақшадағы орын саны 860», - делінген хабарламада.
Сонымен қатар жадға берілген ғимараттар босатылғаннан кейін жыл соңына дейін 650 орындық тағы 4 балабақша ашылады. Қазір ғимараттарға күрделі жөндеу жүргілілуде.
Хабарламада айтылғандай, жалпы облыс көлемінде 130 балабақша, 293 шағын орталық бар. 3-6 жас аралығындағы мектеп жасына дейінгі балалардың 78,1 пайызы осы білім беру мекемелерімен қамтылған.
