Қазақстандық «Сарыарқа Автоөнеркәсіп» компаниясы Ресей және Түркиямен ынтымақтастық меморандумын орнатты

«Сарыарқа Автоөнеркәсiп» ЖШС мен «НиАС» ЖШҚ арасында «Кедендiк Одақ аясында шығарылатын өнiмдi локализациялауға арналған бөлшектердi сатып алу саласында өзара қарым-қатынастың басталуы туралы» меморандумға қол қойылды.

Құжатқа «Сарыарқа Автоөнеркәсiп» ЖШС атынан компания директоры Сырым Семейбаев және «НиАС» ЖШҚ атынан компанияның бас директоры Алексей Николенко қол қойды.

Сонымен қатар, форум барысында «Сарыарқа Автоөнеркәсiп» ЖШС мен «ОЗТРЕЙЛЕР» түрiк компаниясы арасында Қазақстан аумағында коммерциялық техниканың шанақтарын локализациялауды бастау туралы лицензиялық келiсiм жасалды. Оған «Сарыарқа Автоөнеркәсiп» ЖШС атынан компанияның коммерциялық техника өндiрiсi жөнiндегi директоры А.Левашкина және «ОЗТРЕЙЛЕР» компаниясы атынан компанияның бас директоры Ахмед Дал қол қойды. 

Еске сала кетейiк, бүгiн Қазақстан машина жасаушыларының III форумы өтiп жатыр.

Ботагөз Айтжанова