Будапештте «Ұлы далада мемлекеттік дәстүр сабақтастығы» халықаралық ғылыми конференциясы өтті
1 Қазан, 2015 18:23
Қазақстан Республикасының Мажарстандағы Елшілігі, Мажарстанның Ғылым Академиясы мен Халықаралық Түрік Академиямен бірге бірлесіп Қазақ хандығының 550 жылдығына ұштастырылған «Ұлы далада мемлекеттік дәстүр сабақтастығы» атты халықаралық ғылыми конференциясын өткізді, деп хабарлады Сыртқы істер министрлігінің баспасөз қызметі.
Конференция қатысушылардың алдында Мажарстан Сыртқы экономикалық және сыртқы істер министрілігі Мемлекеттік хатшысының орынбасары Чутора Жолт, Түркі мәдениетін және өнерін дамыту халықаралық ұйымының Бас хатшысы Дүйсен Қасеинов, Халықаралық түрік академиясының президенті Дархан Қыдырәлі сөз сөйледі.
Конференция барысында қазақ ұлтының дамуына және қазақ мемлекеттігі қалыптасуына Түрік қағанатының рөлі аталды. Сонымен қатар белгілі ғалымдар Қазақстан Республикасы Қазақ хандығы құрылуының 550- жылдық мерейтойын тойлауының маңыздылығын атап өтті.
Өткен конференция Мажарстан ғалымдар ортасының қазақ мемлекеттігінің пайда болу тарихына жоғары қызығушылық білдіретінін көрсетті.
