Сенат Қырғызстан арқылы жүк тасымалдауға рұқсат ету туралы хаттаманы ратификациялады
1 Қазан, 2015 12:32
ҚР Парламент Сенатының депутаттары «Қазақстан мен Қырғызстан Үкіметтері арасында 2003 жылдың 25 желтоқсанындағы халықаралық автомобиль тасымалы бойынша келісімге өзгерістер енгізу туралы хаттаманы ратификациялау туралы» заңын қабылдады.
Хаттаманың мақсаты үшінші елден Қырғызстан шекарасы арқылы жүк тасымалына рұқсат беру. Ол отандық тасымалдаушылардың қызығушылығына жауап береді.
Құжатқа сәйкес, екі ел арасында жүктерді тасымалдау рұқсатсыз жүзеге асырылады, ал үшінші елден тауар өткізу үшін рұқсат ету қағазы керек болады.
Сондай-ақ, ешқандай тіркелген құжаты жоқ көліктерді шекарадан шығару кезінде жүргізушіде аталмыш құжаттың өз атына тіркелген құжаты болуы керек.
