Қазақ хандығының 550 жылдығы: Ақтөбеде «Ұлы дала жауһарлары» халықаралық этнофестивалі өтті

«Ұлы дала жауһарлары» халықаралық фестиваліне жалпы саны 100-ден астам музыкант, 4 фольклорлық ансамбль, олардың ішінде Батыс Қазақстан облысы, Тасқала ауданынан, Қостанай облысы Арқалық қаласы және Жангелді аудандарының, Атырау облысы Құрманғазы ауданының фольклорлық ансамбльдері, Ғ.Жұбанова атындағы облыстық филармониясының  Ахмет Жұбанов атындағы қазақ ұлт аспаптар оркестрі,  Астана, Алматы, Ақтау қалаларынан, Ресейдің  Абакан қаласы Хакасия Республикасы, Таулы Алтай  аймағы, Орынбор қаласынан қатысады.

Концерттік бағдарламаға қазанғаптанушы, жерлесіміз ҚР мәдениет қайраткері Абдулхамит Раймбергенов, жыршы-манасшы Баянғали Әлімжанов, белгілі жыршы Алмас Алматов, домбырашы, жерлесіміз Тұрар Әліпбаев, Ресейдің еңбек сіңіргшен әртісі, аспапшы  Евгений Улукбашов (жетіген), бұғақпен ән салу (горловое пение) шеберлері Карыш Кергилов пен Елес Тадыкин қатысты. Этнофестивальдің тағы бір қызықты қонағы маңғыстаулық жыршы Сәбит Шектібаев.

Олардың орындауындағы шығармалар облыстың мәдени өмірінде және көрермендер есінде айшықты оқиға ретінде қалары сөзсіз.

Сонымен қатар, «Ұлы дала жауһарлары» халықаралық  этнофестивалі аясында ашық аспан астында республикамыздың өзге де танымал орындаушылар өнер көрсететін болады. Жарқын нақышты этнофестиваль көптеген қонақтарды және музыка сүйер қауымды қуантары хақ.