Ақтөбе облысында Қазақ хандығының 550 жылдығын тойлау аясындағы мерекелік шаралар өтуде

1 Қазан, 2015 12:24

Ақтөбе облысында 1-2 қазан күндері Қазақ хандығының 550 жылдығына арналған мерекелік іс-шаралар өтіп жатыр, деп хабарлады облыстың ішкі саясат басқармасы.

Аталмыш шара аясында аса көрнекті саяси қайраткер Әбілқайыр ханның жерленген жері «Хан моласында» мемориалды кешеннің (кесене) ашылуы болды. Мемориалды кешеннің абаттандырылған аумағында ескерткіш стелла, кесенесі орнатылған. Сонымен қатар Әйтеке би ауданының Толыбай ауылында Әбілқайыр хан музейі ашылды.

Әбілқайыр ханға арналған мемориалды кешеннің тұсаукесері аясында облыс орталығында және Әйтеке би ауданында қоғамдық-маңызды және мәдени-спорттық шаралар, соның ішінде «Қазақ хандығының дамуы: оқиғалар, тұлғалар» халықаралық ғылыми конференциясы, халықаралық қолөнер шеберлерінің жәрмеңкесі, фотокөрме, республикалық ақындар айтысы, Тілеу батыр ескерткішінің ашылуы және т.б.шаралар өтті.

Бұл шараларға мемлекет және қоғам қайраткерлер, белгілі ғалымдар, еліміздің Астана, Алматы және де басқа қалаларынан, Ресей Федерациясынан делегациялар қатысты.

Бірінші күні іс-шаралар Ақтөбе қаласында, содан кейін Әйтеке би ауданының Толыбай ауылында жалғасын тапты. Әйтеке би ауданының Толыбай ауылында Әбілқайыр хан мемориалды кешенінің ашылу салтанаты өтті. Бұл жерде этноауыл ашылды, ат спортынан жарыстар және ұлттық ойындар өтті

Барлық жаңалықтар