2015 жылдың 6 айында теміржол техникасының өндіріс көлемі 20,8 млрд теңгені құрады
1 Қазан, 2015 10:42
2015 жылдың 6 айының қорытындысы бойынша теміржол техникасының өндіріс көлемі 20,8 млрд теңгені құрады, деп хабарлады ҚР ИДМ Өндірістік қауіпсіздікті индустриалды дамыту комитетінің төрағасы Аманияз Ержанов III Қазақстан машина жасаушылар форумында.
«2015 жылдың 6 айының қорытындысы бойынша теміржол техникасының өндіріс көлемі 20,8 млрд теңгені құрады, ал ФКИ 43,3% көрсетті, осы ретте аталмыш кезеңде локомотивтер өндірісі жүргізілмеді, тек 45 дана жолаушылар вагоны, 100 дана жүк вагоны жасалды. Отандық өндірушілер ағымдағы жылы 300 дана жүк вагонын өндіруді көздеп отыр. 2014 жылмен салыстыратын болсақ, өткен жылы 1500 вагон, 12 дизельді локоматив, 1 электровоз және 153 жолаушылар вагоны жасалды», - деді ол.
А. Ержановтың айтуынша, аталмыш салаға кері әсерін импортталатын шикізат бағасының өсімі тигізді.
«Рубль бағамының төмендеуі тағы бір соққы болды. Ол сұранысты қайта бөлуге әкелді, осы ретте отандық тауар өндірушілер ұтылып қалды», - деді ол.
Индира Кауметова
