ҮИИДМБ аясында қазақстандық темір жол машина жасау өндірісі 6 есеге өсті

1 Қазан, 2015 10:37

2014-2014 жылдары аралығындағы ҮИИДМБ аясында қазақстандық темір жол машина жасау өндірісі 6 есеге өсті, деді Қазақстан машина жасаушыларының III форумы аясында ҚР ИДМ Өндірістік қауіпсіздіктің индустриялды даму комитетінің төрағасы Аманияз Ержанов.

«Темір жол машина жасау саласы Қазақстан экономикасының дамуында үлкен рөлге ие. 2010-2014 жылдары арасында Үдемелі индустриялды-инновациялық даму мемлекеттік бағдарламасы аясында темір жол машина жасау саласының өндірісі 6 есеге өсті,бүгінде сала машина жасаудың 15 пайызын құрап отыр», - деді А.Ержанов.

Оның айтуынша, ҮИИДМБ алғашқы бесжылдығында машина жасау саласының толық саласы құрылды, ол темір жол машина жасау саласы, оның құрамына локомотив, жүк, жолаушылар вагонын өндіру кіреді.

«2014 жылдың қорытындысы бойынша темір жол техникасы 131 млрд теңге сомасында өндірілді, физикалық индекс көлемі 96 пайызды құрады. Бүгінде темір жол машина жасау саласында ҚТЖ тарапынан азаю байқалуда. Оған халықаралық нарық пен өңірдегі сауда көлемінің қысқаруы және қазақстандық экспорт сұранысының азаюы болып табылады», - деді ол.

Айта кетейік, бүгін Астанада ЕАЭО мен ДСҰ жағдайында Қазақстанның машина құрылысы өнімдерінің бәсекеге қабілеттілігін арттыруды талқылау мен ұсыныстар жасақтауға арналған Қазақстан машина жасаушыларының III форумы өтіп жатыр.

Индира Кауметова

Барлық жаңалықтар