• Басты
  • «Шығыс» өңірлік қолбасшылығына қарасты бөлімдердің кіші офицерлер құрамы қайта емтихан тапсырды

«Шығыс» өңірлік қолбасшылығына қарасты бөлімдердің кіші офицерлер құрамы қайта емтихан тапсырды

1 Қазан, 2015 15:34
«Шығыс» өңірлік қолбасшылығына қарасты бөлімдердің кіші офицерлер құрамын аттестаттау аяқталды. Емтихан тексеруіне барлығы 1 670 офицер тартылды, деп хабарлады Қорғаныс министрлігінің баспасөз қызметі.

Нәтижесінде олардың 40 %-ы өздерінің әскери білімдерін, ептілігін дәлелдеп, жоғарғы лауазымдар резервіне қосуға ұсынылды. Қалған 60 %-ы барлық сынақтар мен емтихандарды сәтті тапсырып, өздерінің кіші буын командирлері ретіндегі біліктілігін көрсетті.

«Шығыс» өңірлік қолбасшылық әскерлері қолбасшысының басқармасы кадрлар бөлімінің бастығы подполковник Михаил Пичкаревтың сөзіне сүйенсек, офицерлік құрамды аттестаттау – түрлі деңгейде дайындалатын командирлерге баға беру. Сонымен қатар, өздерін қызметте жақсы қырынан көрсеткен талантты офицерлерге, жаңа мансаптық өсу сатысын айқындау болып табылады. ҚР Қарулы Күштерінде аттестация әр үш жылда жүргізіледі.

Одан атағы мен лауазымына қарамастан барлық офицерлер өтеді. Бала күтімі жөніндегі демалыстан кейін қызметке кіріскен әйел-әскери қызметшілер, сондай-ақ 2015 жылғы жоғарғы әскери оқу орнын бітірушілерден басқаларының барлығы өтеді.

Естеріңізге сала кетсек, биыл ҚР ҚК офицерлер корпусын жоспарлы аттестаттауы екі кезең бойынша өтуде. Ағымдағы жылдың 12 қаңтары мен 1 маусымында офицерлер, әскери лауазымдағы қызметкерлер, батальондар (дивизиондар), бөлімдер командирлері мен олардың орынбасарлары, сондай-ақ қызметте және жеке мінез-құлқында кемшіліктері бар офицерлер өтті. Атап айтсақ, осы жылдың 1 маусымынан бастап 1 қарашаға дейінгі екінші кезеңде қалған бар офицерлік құрам аттестациядан өтетін болады.


 

Барлық жаңалықтар