Арыс су тартқышы жөнделгеннен кейін ОҚО-ның 30 мың тұрғыны ауыз сумен қамтылды

1 Қазан, 2015 09:21

Арыс қаласы мен оған жақын орналасқан елді мекендерге су құбырлары тартылып, Арыс су тартқышына қосылып, аталған мәселе шешілді, деп хабарлады АШМ.

«Арыс су тратқышын қайта өңдеу және оған ОҚО Арыс қаласы мен жақын орналасқан елді мекендерді қосу» жобасы 2008 жылы басталған.

Жалпы, аталған жобаны жетілдіру үшін 1 312 951,0 мың теңге сомасындағы инвестиция қоры тартылған.

Жоба аясында Арыс қаласының Тараз, Самал және Көктем шағын аудандырында және орталықтағы көшелер - Салықбаев, Елшінбеков, Елетов, С.Сейфуллин, Шүкірбаева, Бегелдінов, Суворов, Шынғыбаева атындағы және Солтүстік көшесінде, К. Байсеитова - РСУ және Парковый аудандары мен Наурыз ауданының екі көшесінде және Ақдала ауылында су құбырлары тартылған. Хлопком елді мекенінде темір жол астынан өтетін су тартқыштың бөлігі мен екінші су көтеру станциясы салынды. Жеке сектордың су жүйелері толығымен топтастырылды.

Жалпы Оңтүстік Қазақстанның 29 850 тұрғындары ауыз сумен қамтамасыздандырынды.

Барлық жаңалықтар