1 Қазан, 2015 18:07
ҚР ИДМ: «Нұрлы жол» аясында 2017-2018 жылдар аралығында шамамен 2 мың жаңа жұмысшыны тарту көзделген
2017-2018 жылдар аралығында «Нұрлы жол» аясында шамамен 2 мың жаңа жұмысшыны тарту көзделген. Бұл туралы Әйелдер істері және отбасылық-демографиялық саясат жөніндегі ұлттық комиссияның кезекті отырысында ҚР инвестициялар мен даму минисрінің бірінші орынбасары Жеңіс Қасымбек хабарлады.
«Келесі жылдан бастап негізгі жобаларды жүзеге асыра бастаймыз, 3 км жол салуды жоспарлаудамыз. 2017-2018 жылдары жобаларда шамамен 2 мың жұмыс орны ашылатын болады, оның ішінде ең аз дегенде 20-25 мың жұмысшы әйел затын құрайтын болады», - деді Ж.Қасымбек.
Естеріңізге сала кетейік, бүгін Астанада ҚР Мемлекеттік хатшысы Гүлшара Әбдіқалықованың жетекшілігімен ҚР Президенті жанындағы Әйелдер істері және отбасылық-демографиялық саясат жөніндегі ұлттық комиссияның кезекті отырысы өтті. келелі кеңесте «Нұрлы жол-болашаққа бастар жол» жаңа экономикалық саясатын іске асыру аясында әйелдер арасынан жоғары білікті мамандар даярлау мәселелері талқыланды.
Индира Кауметова
