ҚР ИДМ: Жыл соңына дейін ЕАЭО елдерімен ынтымақтастық туралы келісім орнату жоспарланған

30 Қыркүйек, 2015 12:38

Жыл соңына дейін Еуразиялық экономикалық одақ елдерімен ынтымақтастық туралы келісім орнату жоспарланған, ол қазақстандық кемелердің Азов-Қара теңіз бассейніне Ресейдің ішкі су жолдары арқылы шығуға мүмкіндік береді, деді ҚР Инвестициялар және даму министрлігінің көлік комитетінің төрағасы Әсет Асаубаев ОКҚ-дағы баспасөз конференциясында.

«Жыл соңына дейін Еуразиялық экономикалық одақ елдерімен келісім орнату жоспарланған. Ол келісім Қазақстан кемелеріне Азов-Қара теңіз бассейніне Ресейдің ішкі су жолдары арқылы шығуға мүмкіндік береді», - деді Ә.Асаубаев.

Оның айтуынша, аталмыш құжат бірыңғай құқықтық негіздер құрып, қазақстандық кемелер үшін транзит механизмін жеңілдетеді.

«Сондай-ақ, Иранмен теңіз тасымалында бірыңғай құқықтық алаң құру үшін үкіметаралық келісімге қол қою көзделген.Айта кетерлігі, өткен жылы Түрікменстанмен осы тектес келісім жүзеге асырылды. Аталмыш келісімге сәйкес, қазақстандық компаниялар Түрікменстан мен Әзірбайжан арасында тасымал жасай алады. «КазМорТрансФлот» отандық компаниясы 8 ай ішінде Баку мен Махачкала порттарына 40 мың тонна мұнай жеткізді», - деді ол.

Ботагөз Айтжанова

Барлық жаңалықтар