2017 жылы халықаралық егеменді қорлар форумының 9-шы отырысы Астанада өтеді
1 Қазан, 2015 08:57
«Самұрық-Қазына» АҚ Милан қаласында өткен халықаралық егеменді қорлар форумының кезекті отырысына қатысты. Шараға қатысушылар дауыс беру арқылы ұйымның кезекті 9-шы отырысын Қазақстанда өткізуді ұйғарды, деп хабарлады қордың баспасөз қызметі.
«Форумды Астанада өткізу бірінші кезекте инвестиялар тарту үшін маңызды. Өйткені Форумға қатысушылардың иелегіндегі капиталдың жалпы жиынтығы 4 трлн. АҚШ долларын құрайды. Біздің мақсат – Қазақстан Республикасында нақты жобалардың ілгерілеуін қамтамасыз ету»,- деді «Самұрық-Қазына» АҚ Басқарма төрағасының орынбасары Дәурен Ердебай.
Егеменді әл-ауқат қорларының форумына Малайзиялық «Khazanah», Норвегияның мемлекеттік зейнетақы қоры, Австралияның «Болашақ қоры», Ресейдің ұлттық әл-ауқат қоры, Қатардың инвестициялық қоры және тағы осындай 27 егеменді қор мүше.
Ұйым жаһандық егеменді қорлардың басым бөлігінің қызметін үйлестіреді.
«Самұрық-Қазына» АҚ 2014 жылдың ақпан айынан бері Халықаралық егеменді әл-ауқат қорлары форумының мүшесі.
