Н.Назарбаев АҚШ Президентімен кездесті
30 Қыркүйек, 2015 08:37
Елбасы Нұрсұлтан Назарбаев Америка Құрама Штаттарының Президенті Барак Обамамен кездесті, деп хабарлады Ақорданың баспасөз қызметі.
Кездесу барысында мемлекеттер басшылары сауда-экономика, инвестиция және отын-энергетика салаларындағы ынтымақтастықты нығайту жолдарын талқылады.
Сонымен қатар Қазақстан мен АҚШ көшбасшылары күн тәртібіндегі халықаралық өзекті мәселелер жөнінде пікір алмасты.
Нұрсұлтан Назарбаев пен Б.Обама Қазақстан мен Американың серіктестігі өңірдің дамуын, тұрақтылығын және қауіпсіздігін қамтамасыз ету үшін маңызды екенін атап өтті.
