• Басты
  • Қазақстан Жер серіктерін дербес бақылауға көшеді
29 Қыркүйек, 2015 14:46

Қазақстан Жер серіктерін дербес бақылауға көшеді

Қазақстандық мамандар Жер серіктерін дербес бақылайтын болады. Оның ішінде барлаушы – жерсеріктерді де бақылауға РФ-мен Балқаш торапын қолдану туралы келісімі бойынша қол жеткізілді. Бұл туралы ҚР Қорғаныс министрінің орынбасары Оқас Сапаров «Қазақстан Республикасының Үкіметі мен Ресей Федерациясының Үкіметі арасындағы Қазақстандық Балқаш торабын беру шарттары және оны зымыран шабуылы туралы Ресей ескерту жүйесінде одан әрі пайдалану тәртібі туралы келісімді ратификациялау туралы» заң жобасы қаралған ҚР Парламент Сенаты комитетінің отырысында айтты.
Қазақстан  Жер серіктерін дербес бақылауға көшеді

Вице-министрің айтуынша, ресейлік тарап жыл соңына дейін Қазақстанда арнайы қондырғы орнатады – ол соңғы құрылғы. Оны отандық мамандар бақылайтын болады. Осыған дейін аталмыш ақпараттарды Қазақстан ресейлік әріптестерінен алып жүрген болатын.

«Біз қазір келісім талаптарын өзгертетін боламыз. Бірінші басты талап – бізге соңғы құрылғыны орнатып жатыр. Оның нәтижесі бізге автоматты түрде ақпаратқа қол  жеткізуге мүмкіндік береді. Мәселен, зымыран шабуылын жібермек болған ел туралы біз ақпаратты көріп отырамыз. Екіншісі – Жердің барлық жасанды серігін көріп отырамыз. Олардың республика шекарасына кіріп шыққаны туралы ақпарат мәлім болады», - деді О.Сапаров.

«Біздің мамандар ресейлік әскери пункттерінде жұмыс істеп, барлық мәліметті біліп отырғаны үлкен жетістік. Бізде 15 –ке жуық маман бар. Осы бағыт бойынша біздің мамандар білім алуда. Ресейдің оқыту мекемелерін тәмамдап, бір немесе жарты жылдан соң аталмыш станцияда жұмыс істейтін болады», - деді ҚР Парламент Сенатының депутаты Мұхтар Алтынбаев.

Сондай-ақ, заң жобасы Ресей Федерациясы қолданылатын қазақстандық жер көлемін қысқартуды қарастырады. Егер де осыған дейін Ресей 5 мың гектар жерді қолданса, қазір 700-800 гектарды қолданады.

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды