2013 жылы қазақстандықтарға зейнетақы қорының қозғалуы жайында 2 млн электрондық қызмет көрсетілді
29 Қазан, 2013 16:44
2013 жылдың 10 айы бойынша қазақстандықтарға зейнетақы қорының қозғалуы жайында 2 млн электрондық қызмет көрсетілді, деп Еңбек және халықты әлеуметтік қорғау министрлігінің баспасөз қызметі хабарлады.
«2013 жылдың 10 айы бойынша қазақстандықтарға зейнетақы қорының қозғалуы жайында 2 015 932 электрондық қызмет көрсетілді. Бұл 2012 жылдық көрсеткішпен салыстырғанда 2,6 есеге көп», - деп ведомствоның хабарламасында нақтыланған.
Сонымен қатар, Мемлекет басшысы Нұрсұлтан Назарбаевтың мемлекеттік қызметтің 60 пайызын электронды түрге ауыстыру тапсырмасын орындау үшін ЕХӘҚМ әр түрлі әрекеттер туралы 14 жоспарлы қызметті жүзеге асырады.
Айта кетейік, 2013 жылдың соңына дейін электронды пішінге 3 мемлекеттік қызмет көшеді.
