«Ұлы дала елі» экспедициясының мақсаты – жастардың назарын Қазақстан тарихына аудару (ВИДЕО 2 бөлім)

Георгий  Кан біздің редакциямыздың студиясына Алматы облысынан келді. Ол Қазақ хандығының 550 жылдығына арналған жобаның жарқын қатысушыларының бірі. Бізге берген сұхбатында ғалым экспедицияның күндері қалай өтуде және оған кімдер қатысып жатқаны, сонымен қатар бүгінгі жастардың Қазақстан тарихына қандай мағына беретіні туралы кеңінен әңгімелеп берді.

 «Ұлы дала елі» экспедициясы жастар үшін өткізілуде, себебі орта жастағы мен қарттар тарихқа қанық. Ал, тәуелсіздік жылдары өскен жастар Қазақстан бұрыннан сондай егемен болған деп ойлайды», - деді Г.Кан.

Оның айтуынша, заманауи жастар Қазақстанның тарихы қалай дами бастағаны туралы білуі керек.

«ҚХА Жастар қанаты, этномәдени бірлестіктер көптеген дүниелерден хабардар болуда. Біз Қазақстан тарихын зерттеу барысында тап болған мәліметтер туралы айтсақ таңқалады», - деп атап өтті профессор.

Естеріңізге сала кетейік, 2015 жылғы 11 қыркүйекте Қазақ хандығының 550 жылдығына арналған «ҰЛЫ ДАЛА ЕЛІ» республикалық тарихи-мәдени экспедициясы жолға аттанды. Экспедицияның мақсаты - Қазақстан халқының тарихи-мәдени және рухани мұрасын оқып-үйрену мен насихаттау негізінде қазақстандықтардың бірегейлігі мен ұлттық бірлігін нығайту. Қазақ хандығының 550 жылдығына арналған экспедицияның қорытынды іс-шаралары 2015 жылғы 9 қазанда Тараз қаласында өтеді.

Ботагоөз Айтжанова