Б.Нурымбетов: Қазақстандағы еңбек күнінің негізгі мақсаты – жастар арасында жұмыс мамандықтарын насихаттау

28 Қыркүйек, 2015 12:57

Қазақстандағы еңбек күнінің негізгі мақсаты – жастар арасында жұмыс мамандықтарын насихаттау. Бұл туралы ОКҚ брифингісінде Денсаулық сақтау жəне əлеуметтік даму вице-министрі Біржан Нұрымбетов мəлім етті.

«Жалпыға бірдей еңбек қоғамын жүзеге асыруда Ұлт жоспарының 88-ші жоспарын орындау үшін ҚР Премьер-Министрінің орынбасары 2015-2016 жылдарға арналған Еңбек күні мерекесін өткізу шаралар жоспарын бекітті», - деді вице-министр.

Оның айтуынша, мерекенің негізгі мақсаты еңбек өнімділігін ынталандыру, жастар арасында жұмыс мамандықтарын насихаттау болып табылады.

«Бұл еңбек етушілерге деген құрмет, қоғамда өз жұмыстарын адал атқарып жүрген қызметкерлерге алғыс айту», - деді Б.Нұрымбетов.

Еңбек күніне арналған шаралар республика бойынша өтуде.

«Кәсіпорындарда жастардың қатысуымен ашық есік күндері өтуде. «Өз ісінің үздігі», «Ең жас жұмыскер», «Жастарға демеу көрсететін жетекші» атты өңірлік байқау өтуде», - деді ол.

Айта кетейік, Қазақстанда Еңбек күні қыркүйектің соңғы жексенбісінде өтеді.

Ботагөз Айтжанова