Ақмола облысының НЗМ оқушылары өңірлік Қазақстан халқы Ассамблеясының жұмысымен танысты

28 Қыркүйек, 2015 11:38

Көкшетаудың Достық үйіндегі этно-мәдени бірлестік өкілдерімен кездесу мақсатында Назарбаев зияткерлік мектебінің оқушылары келді. Олар өңірлік Қазақстан халқы Ассамблеясының жұмысымен танысты, деп хабарлады Ақмола облысының ішкі саясат басқармасы жанындағы «Ақмола медиа орталығы».

Ақмола облысы бойынша түрлі ұлттар мен ұлыстарды ұйыстырып отырған этно-мәдени бірлестік басшыларымен кездесуге 9 сынып оқушылары қатысты.

Оқушылар алдымен Достық үйінде орналасқан этно-мәдени бірлестіктердің жұмысымен танысып, әр ұлттың тарихы, мәдениеті, салт-дәстүрінен сыр шертетін жәдігерлерді көріп, тамашалады. Одан кейін Достық үйінің мәжіліс залында оқушылармен дөңгелек үстел ұйымдастырылып, «Көп ұлтты Қазақстандағы толеранттылық, ел бірлігі және мемлекеттік тіл» тақырыбында әңгіме қозғалды.

Бүгінде Назарбаев Зияткерлік мектебінде 20-дан астам шет елдік ұстаз еңбек етуде. Оларды Қазақстан халқы Ассамблеясының жұмысы қызықтыратындығын және кеңірек танысқылары келетіндігін жеткізді. Солардың бірі Оңтүстік Африка елінен келген Миссис Суллин еліміздегі ұлтаралық келісім мен татулықты ту етіп отырған Елбасының жүргізіп отырған сындарлы саясатын құптайтындығын жеткізді.

«Әр түрлі ұлттардың бір елде тату -тәтті өмір сүріп , әр ұлттың өз тілін, діні мен салт-дәстүрін үйренуге , насихаттауға мүмкіндік бар екендігі қуантарлық жағдай». –деп өз ойымен бөлісті. Оқушылармен кездесуге келген Ақмола облыстың шешен-ингуш мәдени бірлестігінің төрағасы Герихан Яндиев өз сөзінде «Біз бұл мектеппен мақтанамыз, талабы таудай талантты оқушылар еліміздің болашағы, сондықтан сабақтарыңды жақса оқыңдар!»,- деп Оңтүстік Африка елінен келген Миссис Суллин еліміздегі ұлтаралық келісім мен татулықты ту етіп отырған Елбасының жүргізіп отырған сындарлы саясатын құптайтындығын жеткізді.

Мектеп ұстаздары мен оқушылары алдағы уақытта да осындай кездесулер жиі ұйымдастырылып тұрса екен деген жылы лебіздерін білдірді.