Еуразиялық интеграцияның ықпалы Қазақстан машина жасаушыларының III форумында талқыланады
25 Қыркүйек, 2015 19:04
2015 жылдың 1-2 қазанында Қазақстан машина жасаушыларының III форумы өтеді. Шарада Қазақстанның ЕАЭО және ДСҰ-ға енуі бойынша отандық машина өнімінің өндірісіндегі бәсекелестік мәселелері талқыланады, деді Қазақстанның машина жасаушылар одағының басқарма төрағасы Мейрам Пішембаев ОКҚ-да.
«Егер де ЕАЭО тәртібінде 5 ел үшін біздің нарыққа тікелей жол ашылса, ДСҰ-ға енумен бәсекелестік ұлғаятын болады. Демек, біз отандық машина жасау саласындағы бәсекелестіктің өскенін байқайтын боламыз», - деді М.Пішембаев.
Форумға қазақстандық кәсіпорындардың 450 делегаты мен 30 елдің 200 делегаты қатысады.
