Құрық портында вахталық ауыл құрылды
25 Қыркүйек, 2015 16:21
Каспийдегі Құрық портында паром кешенінің құрылысшылары үшін вахталық ауыл салынды, деп хабарлады ҚТЖ.
Ауылда кеңсе ғимараты, әкімшлілік тұрмыстық кешен, асхана мен екі жатақхана бар. Уақытшы қалашық 150 жұмысшыға және 40 инженерлік-техникалық мамандарға есептелген. Мұнда абаттандыру жұмыстары жүргізілуде.
«Жақсы тұрмыстық жағдай еңбек өнімділігін арттырады», - деп атап өтті салынып жатқан жобаның бас инженері Марат Дүйсенбаев.
Белгілі болғандай, мұнда жылдың сәуір айында басталған Құрық портына паром кешенінің құрылысы жүргізілуде.
