Қазақстанның ДСҰ-ға енуі отандық машина жасау саласындағы бәсекелестікті арттырады – Пішембаев
25 Қыркүйек, 2015 11:38
Қазақстанның ДСҰ-ға енуі отандық машина жасау саласындағы бәсекелестікті арттырады, деді Қазақстанның машина жасаушылар одағының басқарма төрағасы Мейрам Пішембаев ОКҚ-да.
«Егер де ЕАЭО тәртібінде 5 ел үшін біздің нарыққа тікелей жол ашылса, ДСҰ-ға енумен бәсекелестік ұлғаятын болады. Демек, біз отандық машина жасау саласындағы бәсекелестіктің өскенін байқайтын боламыз», - деді М.Пішембаев.
М.Пішембаев атап өткендей, аталмыш мәселелер мемлекеттік органдармен, қоғам және машина жасаушылар қауымдастығымен қазан айында өтетін Қазақстанның машина жасаушылар форумында талқыланады.
«Біз машина жасау өнімдерін өндіру тек сапалы көрсеткіштерге ғана емес, оларды экспорттау мен сату жолдарына шығару мүмкіндігінің жолдарын қарастыратын боламыз», - деді М.Пішембаев.
Индира Кауметова
