• Басты
  • Елбасы «Әзірет Сұлтан» мешітіне барды
24 Қыркүйек, 2015 13:58

Елбасы «Әзірет Сұлтан» мешітіне барды

Мемлекет басшысы «Әзірет Сұлтан» мешітіне барды және Қазақстан халқы мен бүкіл әлем мұсылмандарын Құрбан айт мерекесімен құттықтап, жамағатпен әңгімелесті, деп хабарлады Ақорданың баспасөз қызметі.
Елбасы «Әзірет Сұлтан» мешітіне барды

Бұл күні адамдар өкпе-реніштерін кешіріп, бір-біріне жақын бола түседі. Сондықтан мереке біріктіруші рөл атқарады. Біздің халқымыз Тәуелсіздік алғаннан кейін ислам дінімен қайта қауышты. Соның арқасында даму бағытындағы жолымызды жалғастыра отырып, бірлігіміз бен татулығымызды нығайттық, – деді Қазақстан Президенті.

Нұрсұлтан Назарбаев сондай-ақ қазіргі замандағы қақтығыстардың негізгі себептеріне де тоқталды.

«Бұлар – ең бірінші жер аумағына байланысты даулар. Біз осындай дау тумауы үшін көрші елдермен уағдаластық арқылы шекарамызды бекіттік. Екінші – этносаралық қақтығыстар. Өз ұлтын өзгеден жоғары санау – үлкен күнә. Біз Қазақстанда көпұлтты халықтың бірлігін қамтамасыз еттік. Этникалық тегіне қарамастан, әркімді де құрметтей отырып, елдегі тұрақтылықты нығайттық. Үшінші – бүгінде бүкіл әлемде болып жатқан дінаралық қақтығыстар. Еліміздің мұсылмандары өз дінін ұстана отырып, өзгелерді құрметтейді. Соның негізінде біз халықтың бірлігі мен достығын қамтамасыз еттік. Сондықтан халқымызды өз дінінде мейірімділік пен қайырымдылық жолын таңдауға және өскелең ұрпақты осы бағытта тәрбиелеуге шақырамын», – деді Мемлекет басшысы.

Соңында Қазақстан Президенті баршаны тағы да мерекемен құттықтап, әр шаңыраққа бақ-береке тіледі. 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды