• Басты
  • Қазақстан мен Түркияның әскери қызметшілері бірлескен оқу операциясын өткізді
25 Қыркүйек, 2015 09:13

Қазақстан мен Түркияның әскери қызметшілері бірлескен оқу операциясын өткізді

«Іле» оқу-жаттығу орталығында және Құрлық әскерлері Әскери институтының полигонында Қазақстан мен Түркия Қарулы Күштерінің «Қабылан жолы – 2015» бірлескен халықаралық оқу-жаттығуы мәре сызығына келіп жетті, деп хабарлады Қорғаныс министрлігінің баспасөз қызметі.
Қазақстан мен Түркияның әскери қызметшілері бірлескен оқу операциясын  өткізді

Он күн ішінде екі елдің арнайы мақсаттағы бөлімшелері, ҚР ҚК Әуе қорғанысы күштерінің авиациясы содырлардың шартты базасын жою, оқ атуларды, 3 000 – 4 000 метр биіктіктен парашюттен секіруді орындады, сондай-ақ 50 шақырымдық марш жасады. 

 Барлығы практикалық эпизодтарға шамамен 170 жауынгер, 20-ға жуық бірлік автомобильдік және 10 броньды танкті техника, бес бірлік маңдайшептік және армиялық авиация тартылды. Оқу-жаттығу Әуе қорғанысы күштерімен өзара іс-қимылда күндізгі және түнгі уақытта өткізілді.

 Арнайы мақсаттағы бөлімшелер лазерлік мақсат көрсеткіштерді қолдана отырып, маңдайшептік авиацияны келтіруді жүзеге асырды. Су-27 жауынгерлік ұшақтарының жұбы бомбалық соққымен берілген нысаналарды сәтті жойып отырды. Нәтижесінде Қазақстан мен Түркияның арнайы мақсаттағы бөлімшелері қойылған тапсырмаларды орындап шықты.

«Қабылан жолы – 2015» оқу-жаттығуы биылғы жылы алғаш рет өткізілгенін айта кеткен жөн. Ол әскери қызметшілердің кәсіби қасиеттерін және жауынгерлік машығын арттыруға, екі елдің Қарулы Күштерінің ынтымақтастығын нығайтуға ықпал етеді. Владимир Третьяковтың суреті


 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды