• Басты
  • Мәжіліс Жер кодексiне енген өзгертулерді мақұлдады
23 Қыркүйек, 2015 17:38

Мәжіліс Жер кодексiне енген өзгертулерді мақұлдады

Бүгiн ҚР Парламент Мәжiлiсi Қазақстан Республикасының Жер кодексiне өзгерiстер мен толықтырулар енгiзу туралы» ҚР Заңының жобасын бүгiн екi оқылымда қарастырып, оны мақұлдады.

Мәжіліс  Жер кодексiне енген өзгертулерді мақұлдады | Strategy2050.kz

«Заң жобасымен Жер кодексiне келесiдей түзетулер енгiзiлiп отыр. Бiрiншiсi – ауыл шаруашылығы мақсатындағы жерлердi аукцион арылы жеке меншiкке беру. Мемлекет меншiгiндегi ауыл шаруашылығы мақсатындағы жерлер ҚР азаматтары мен заңды тұлғаларына жеке меншiк құқығымен аукциондар арқылы мынадай кезекпен берiледi: бiрiншi кезекте – жер учаскесiнiң кадастрлық құнын арттыруды көздейтiн аукцион арқылы. Егер, екi аукционның қорытындысы бойынша учаске сатылмаса, онда ол жер учаскесiнiң кадастрлық құнын бекiтілген төменгi деңгейге дейiн, яғни, кадастрлық құнының 50%-на дейiн төмендетудi көздейтiн аукционға қойылады. Екiншi – жалға берiлген жер учаскелерiн сатып алу бойынша жеңiлдiк шарттарын беру. Бұл норма бүгiнгi жалға алушылардың мүддесiн ескередi және оларға бұдан бұрын берiлген ауыл шаруашылығы жер учаскелерiн пайдалану құқығының мерзiмi аяқталғанға дейiн жеке меншiкке оның кадастрлық құнының 50%-дық мөлшерiне қарай айқындалатын жеңiлдiк бағамен және төлеу мерзiмiн 10 жылға дейiн ұзартып сатып алуға құқық бередi», - дедi министр.

Заң жобасы, сондай-ақ жалда жатқан ауыл шаруашылығы жерлерiн пайдалану бойынша шектеулердi алып тастауды қамтитын өзгерiстi қарастырады.

«Ауыл шаруашылығы жерлерiнiң нысаналы мақсатын өзгерту рәсiмiн алып тастау да заң жобасы ұсынып отырған кезектi түзетулердiң бiрi. Аграрлық сектор субъектiлерiне әкiмшiлiк кедергiлердi алып тастау және шығындарды азайту арқылы қолайлы жағдай жасау мақсатында ауыл шаруашылығын жүргiзуге байланысты нысандар салу кезiнде және шаруашылық нысанын ауыстырған кезде жер учаскелерiнiң нысаналы мақсатын өзгерту барысы алып тасталды», - деген Е.Досаев бұл шаралар ауыл шаруашылығы жерлерiн нарықтық айналымға толықтай енгiзуге қажеттi шаралар жасауы тиiс екенiн айтты.

Министр өз баяндамасында келтiрген мәлiмет бойынша, бүгiнгi күнi ауыл шаруашылығы жерлерiнiң негiзгi үлесi, яғни 97,4 млн га жер ұзақмерзiмдi жалға берiлген және бұл 98,8%-ды құрайды. Ал ауыл шаруашылығы жерлерiнiң небары 1,2%-ы жеке меншiкте жатыр.

 

ҰСЫНЫЛАДЫ
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды