• Басты
  • Мәжіліс ШЫҰ мемлекеттері арасында автомобиль тасымалдары туралы келісімді ратификациялады
23 Қыркүйек, 2015 17:15

Мәжіліс ШЫҰ мемлекеттері арасында автомобиль тасымалдары туралы келісімді ратификациялады

Мәжілістің жалпы отырысында палата депутаттары «Шанхай ынтымақтастық ұйымына мүше мемлекеттердің үкіметтері арасындағы халықаралық автомобиль тасымалдары үшін қолайлы жағдайлар жасау туралы келісімді ратификациялау туралы» заң жобасын мақұлдады.
Мәжіліс ШЫҰ мемлекеттері арасында автомобиль тасымалдары туралы келісімді ратификациялады

Келісім 2014 жылы Душанбеде жасалған. Құжат халықаралық автомобиль тасымалдары үшін қолайлы жағдай жасау, оны дамыту үшін тараптардың күш-жігерін үйлестіру, халықаралық автомобиль тасымалдарына қатысты тараптардың құжаттамасын, рәсімдері мен талаптарын жеңілдету және үйлестіру мақсатын көздейді. 

«Заң жобасы Шанхай ынтымақтастық ұйымына кіретін мемлекеттердің арасындағы автомобиль тасымалдары үшін қолайлы жағдай жасауға бағытталған. Бұл құжатта Қазақстан, Қытай, Қырғызстан, Ресей, Тәжікстан және Өзбекстан арасында рұқат жүйесі негізінде келісілген бағыттар бойынша жүк тасымалдау қарастырылған. Келісімде алты бағыт айқындалған», -деді ҚР Инвестициялар және даму министрі Әсет Исекешев.

«Олардың төртеуі Қазақстан арқылы өтеді. Сонымен бірге әр бағытты ашу мерзімі бекітілген, ол 2020 жылдан кешіктірілмейді. Келісім күшіне енгеннен кейін ұйымға мүше мемлекеттердің тасымалдаушылары бекітілген бағыттар бойынша тасымалдарды жүзеге асыруға, соның ішінде Қытайдың шығыс бөлігінен Батыс Еуропаға дейін мүмкіндік алады», - ол.

Келісім қабылданған жағдайда Қазақстан арқылы автомобиль көлігімен өтетін транзиттік жүктердің көлемі 2020 жылдан бастап 73 млн тоннаға дейін артпақ.  

 

 

ҰСЫНЫЛАДЫ
Барлық жаңалықтар
дерекнама 2050

ШОБ ЖІӨ көлемінің 50 пайызынан артығын өндіреді

Еңбек өнімділігі 126 мың долларға дейін көтеріледі 3-тен 6 жасқа дейінгі балаларды 100 пайыз мектепке дейінгі біліммен қамту

Қазақстан өз нарығын жаңа экологиялық стандарттарға сай келетін жанар-жағармаймен толықтай қамтамасыз етеді

Жалпы экспорт ішінде шикізат емес экспорттың көлемі екі есеге, 2040 жылы үш есеге артады

Әліпбиімізді латын қарпіне көшіру ісі басталады

Қазақстандықтардың 95 пайызы қазақ тілін меңгеруі тиіс

15 пайыз егістік алқаптарына суды үнемдеу технологиялары енгізіледі

Халықты ағын сумен қамту мәселесі шешіледі

Адам басына шаққандағы ЖІӨ көлемі 60 мың долларға көтеріледі

ҚР тұрғындарының үлесі халықтың 70 пайызын құрайды