2019 жылға қарай 5 халықаралық әуе маршруты ашылады

23 Қыркүйек, 2015 16:04

2019 жылға қарай 5 халықаралық әуе маршруты ашылады, олар: Дубай, Гонконг, Токио, Сингапур, Нью-Йорк, деді ҚР ИДМ азаматтық авиация комитетінің төрағасы Бекен Сейдахметов ОКҚ-дағы баспасөз конференциясында.

«Қазақстан бойынша 458 халықаралық әуерейсі аптасына жүзеге асырылады, ал күн сайын 65 рейс жүзеге асырылады. Елбасының әуе маршруттарының географиясын кеңейту тапсырмасын жүзеге асыру мақсатында осы жылы 7 жаңа маршрут ашылды. Астанадан Қазан, Сеул,Париж, Тбилиси, Атыраудан Минералды суларға, Қызылордадан Мәскеуге, Алматыдан Минск қаласына бағыттар қосылды. Қазіргі таңда Астана әуежайынан 12 халықаралық қаржы орталығының 7-уіне рейс ашылды. Олар: Франкфурт, Пекин, Стамбул, Москва, Сеул, Лондон және Париж. Астанадан 2019 жылға таман тағы бес бағыт ашылмақ. Олар: Дубай, Гонконг, Токио, Сингапур және Нью-Йорк», - деді Б.Сейдахметов.

Айта кетейік, Қазақстан бойынша 87 халықаралық маршрут бойынша жолаушылар тасымалданады.

Анар Тәңірқұлова