• Басты
  • Шығыс Қазақстанда құтқарушылардың «Тайга -2015» жиын-семинары аяқталды
23 Қыркүйек, 2015 11:34

Шығыс Қазақстанда құтқарушылардың «Тайга -2015» жиын-семинары аяқталды

«Тайга-2015» жиын-семинары барлық қатысушылар үшін арнайы тактикалық оқу-жаттығуын өткізумен аяқталды, деп хабарлады ҚР ІІМ ТЖК баспасөз қызметі.
Шығыс Қазақстанда құтқарушылардың «Тайга -2015» жиын-семинары аяқталды

Оқу-жаттығудың аңызы бойынша бір азаматтан саңырауқұлақ теріп жүрген кезде жолдасының жоғалғандығы туралы хабар келіп түсті. Өздігімен іздестіру жұмыстары нәтиже берген жоқ. Сонымен қатар аңызға семинарда пысықталған барлық мәселелер енгізілді.

Дабыл келіп түскеннен кейін құтқарушылар табиғи ортаның күрделі учаскелерімен өту арқылы таулы-орман жерлерінде іздестіру-құтқару жұмыстарын жүргізуге кірісті.  Координаталар бойынша іздеп, кейін дұрыс бағытты тауып, зардап шегушіні іздеуді және қажеттілігіне қарай оған алғашқы көмек көрсетуді, сонымен қатар оны апаттар медицинасы дәрігерлері күтіп тұрған жерге тасымалдауды ұйымдастыру қажет болды.   

Оқу-жаттығудың нәтижесі – зардап шегуші табылды, көмек дер кезінде келді! Барлық құтқарушылар жақсы нәтиже көрсетті, іс-қимылдары нақты, үйлесімді пысықталды және сынақ өтелді. 

Құтқарушылардың көбі өздерінің біліктіліктерін арттырды, жаңадан келгендер оқудан өтті және таулы-орман жерлерінде іздестіру-құтқару жұмыстарына қатысатын болады.  

«Тайга-2015» құтқарушылар жиын-семинары өз жұмысын аяқтады.  Алға қойған мақсаттарға қол жетті. Барлық қатысушылар тұрақты орналасқан жерлеріне оралды және жаңа білімдерімен жұмысқа кірісуге әзір.   

 

 

Барлық жаңалықтар